احسبها صح .. تعيشها صح

**tina_789** · **tina_789** الخميس 10 ديسمبر - 22:58

مفيش حاجة واجعه قلبى ومسببالى انتفاخات زى الاعلان الغريب اللى بيطاردنى فى شوارع المحروسة بالاضافة للتلفزيون واللى شعارة تحسبها صح .... تعيشها صح .. مستفزززززز جدا .... واحد بيوفر في استهلاك المياه (إللي هي المَيّه يعني!) وهو ده إللي خلاّه يدَخّل ابنه أحسن مدارس!!!! يا سلااااااام!! طب إيه العلاقه؟؟؟!! .... وواحد تاني بيوفر فى استهلاك الكهربا واللقطة اللى بعدها المحروس بيجرى ورا عياله فى الشاليه بتاعه فى بورتو السخنة !!! وبعدين رمش العين وفرت من مصروفها وجابت لاب توب !!! مصروف إيه فى ليلتكم الزرقا على دماغكم إللى بيجيب لاب توب ده؟!!! وطبعا فى الاخر الجملة الاكثر استفزاززززززززز فى المجرة الارضية واللة متعديش حتى على الهنود

( على فكرة احلى تحية للهنود بتوع النووى )

..... احسبها صح ... تعيشها صح ....

وعليه...... خدوا عندكم بقا.... هِيّا جت عليّا انا يعنى ؟؟؟!! ...

توتى وفر فى فلوس المخدرات بتاعته وجاب عربية هامر جديده !!
تحسبها صح .... تعيشها صح

نوسة وفرت من فلوس الديسكو وسافرت 3 شهور فرنسا الصيف اللى فات وفى الغالب مش راجعه !!
تحسبها صح .... تعيشها صح

سهير بتشرب علبة سجاير واحدة بس بدل اتنين وبفلوسها حجزت شهر فى الفورسيييييزووون فى الرويال سويت!
تحسبها صح .... تعيشها صح

حنكش قلِّب باقية فلوس العيش اللى مامته كانت بتديهالو وبيهم دفع مصاريف الجامعة الامريكية !!
تحسبها صح .... تعيشها صح

عم حسين بواب العمارة وفر من التيبس اللى بياخدوا من السكان واشترى رونالدينهو بتاع البرازيل !!
تحسبها صح .... تعيشها صح

عادل صاحب شركة استيراد خصم من كل الموظفين 10 ايام وبيهم جاب خاتم سوليتير للفيونكه بتاعته !!
تحسبها صح .... تعيشها صح

صبحى وفر فى أكل الجبنة الروووومى وجاب فيلا فى التجمع الخامس بالبسين وجاب عوامة وزة كمان !!
تحسبها صح .... تعيشها صح

طأطأ بطل يجيب الكارت ابو 25 جنية وبيجيب الكارت ابو 10 جنية وبالفرق دفع المهر والشبكة وعمل فرحه فى لندن وبيقضى شهر العسل فى الكاريبى !!
تحسبها صح .... تعيشها صح

نداء الى اصحاب الرحيمة وجمعيات الرفق بالانسان والحيوان....
اوقفوا الاعلان ده أو وفرولنا أدوية مكافحة الحمووووووضة

منقول

**hamied hamied** · **hamied hamied** الجمعة 11 ديسمبر - 2:39

هههههههههههههههههههه

هيا جت على الاعلان ده

دا في اعلان تاني غريب جد على كل الطرق السريعه

انت تهمنا

سلامتك تهمنا

والله كل ماشوف الاعلان ده على الطريق

لازم اقول (هيا مش سلامتك ولا انتا اللي تهمنا لكن جيبك هوا اللي يهمنا)

اصبح امتلاك سياره الان نقمه على اصحابها

وليست نعمه عندك عربيه لازم جيبك يكون مليان لان هايقابللك حاجات كتير جدا

زمان كنت في المملكه العربيه السعوديه بشعر بالاطمئنان بمجرد رؤية سيرة شرطه او سيارة مرور ينتابني شعور لايضاهى وخاصة ان كنت في بلد اخرى لا اسكن فيها

سيارة الشرطه او المرور هناك تعني الامان بمعنى الكلمه

هنا في مصر لو شفت اي سيارة شرطه او مرور او الونش طبعا او حاجه تيجي في بالي اقول حد معاه فكه من 5 جنيه لاقل

============================

حصلي موقف لن انساه في حياتي

خدت الاولاد وكان عندي شغل مهم في الاتحاد العام للغرف التجاريه في القاهره

خدنا العربيه وتوكلنا على الله قلت طالما ان الشغل مش هاياخد ساعه يبقى اخدهم افسحهم شويه ماتفسحناش من زمان

يبتهم في مول بجوار الاتحاد العام يعملو شوبنج لغاية ما اخلص المهم

خلصنا واول مكان طالما احنا لسا بدري كده هانفكر فيه الهرم

ماشفتوش من سنة 1985

حتى زوجتي بتقولي اهو بالمره نشوف اجدادنا او اللي فاضل منهم

رحنا الهرمواول حاجه غريبه فيه تفتيش قبل دخول ولازم تقطع تذكره

حاضر قالي امين الشرطه وطبعا الباشا قاعد على كرسي اتفضل سياتك ياباشا اقطع التذاكر وافتحلنا الشنطه نفتشها عما تكون رجعت

قلت ماشي

رحت وانا بقطع التذاكر استغربت جدا

هوا المعبر اللي احنا واقفين فيه بيفتشو شنطه العربيه بس دا حتى ماطلبوش ن اللي معايا في العربيه انهم ينزلو عشان يفتشوها من جوا

هوا فيه ايه .............................؟

وبعدين يعني عايزين يقولولي اننا في مصر بنحترم حقوق الانسانه

هه من امتى بقا ؟

شكوك كتير كانت بتدور في دماغي المهم قطعت التذاكر ورجعت قلتلو ايه الاخبار

قالي كلو تمام ياباشا وكان قافل الشنطه كمان يشكر والله الراجل

بس على مين

اول حاجه عملتها ضغط على زر فتح الشنطه اللي في الريموت

وبصيت فيها

لاقيت التالي

الصليبه وعدة تغير الكاوتش والكوريك بتاع العربيه متاخدين بالاضافه الى منفاخ العجل لاني ببقا شايل منفاخ للعجل الكتروني دايما
عملت نفسي بدور جوا الشنطه وهما واقفين والباشا اللي قاعد على الكرسي قام وراح على عربية الشرطه ووقف وراها عشان مايبقاش باين

فانا لمحت وانا ببص بخباثه كده لاقيت الشنطه اللي فيها الحاجه حاطينها ورا الكراسي اللي هما قاعيدن عليها

فرحت عليها وجبتها وقلتلو ياراجل مش اللي طلعتو من العربيه وانتا بتفتش تبقى ترجعو تاني

يالله معلش شكللك نسيت

اتفوووو عليكم وعلى اللي وقفكم هنا

ودخلت الهرم وانا بقول الشرطه في سرقة الشعب

احسبها صح .. تعيشها صح 879205

**SoHiLa** · **SoHiLa** الجمعة 11 ديسمبر - 7:43

عم حسين بواب العمارة وفر من التيبس اللى بياخدوا من السكان واشترى رونالدينهو بتاع البرازيل !!

والله عندك حق

دالبواب ده كارثه

زي المنشار

طالع واكل نازل واكل
الاعلان يحسسك ان الحكومة عاملة اللى عليها وزيادة ومكفيانا ومستتانا
والشعب هو اللى تيـــــــــــــــــت
بيصرف وبيبعزق فلوسه عالتفاهات فعايشها غلط
وان الحل سهل وبسيط
1- تبطل سجاير "طب اللى مبيشربش يعمل ايه متفهميش"
2- تشترى شريط من اى دوا مش علبة
3- تركبى انتى وزمايلك كل يوم عربية واحدة فيكم بدل ما تركبوا انتوا الاربعة كل واحدة فى عربيتها والبنزين يكلفكم " يعنى هم معاهم كل واحد عربية بس مشكلة بنزين "
4-
5-
وهكذا
حاجة تفقع يبنتى

انتى اكيد معاكى حق .. لازم نستغنى عن الحاجات اللى ملهاش لازمة
شكرا تينا