هو وخطيبته على الكورنيش

أسد العرب الثلاثاء 27 أكتوبر - 4:15

هى وخطيبها على الكورنيش



هو و هى مشيين على الكورنيش .. الجو حار .. الشمس محرقة


هي : عطشانة

هو : و أنا كمان

هي : يعنى ... عايزة أشرب

هو : أكيد مادام عطشانة يبقى عايزة تشربي

هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة

هو : ومين اللي هيحاسب ؟؟

هي : أنت طبعاً

هو : منين ياحسرة .. ماأنتى عارفة الكانز وغطاه

هي : ماقلتش عايزة كانز .. كفاية إزازة صاروخ

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك

هي : قصدي تعزمنى فى مكان شاعرى

هو : في الحر ده .. ماينفعش

هي : بلاش دى .. نأخد مركب على الكورنيش

هو : المراكب بتغرق اليومين دول .. خلينا ع البر أحسن

هي : بلاش المركب تعالى نأكل ترمس .. أظن ده رخيص

هو : إنتى تضمني منين إن الراجل غاسل إيده و غاسل الترمس

هي : أعوذ بالله .. إنت مقفلها كده ليه ؟؟

هو : بصراحة معييش فلوس

هي : يا سلام !! .. ماأنت كان معاك إمبارح

هو : إمبارح دخلت السينما مع بنت حلوة كدا فالفلوس خلصت

هي : بنت حلوة ؟؟!! وبتقولها فى وشى

هو : أكذب عليكى يعنى

هي : لأ .. تحرق دمى أحسن

هو : أنا مش شامم ريحة شياط يعنى

هي : يخرب بيت البرود

هو : برود إيه ؟؟ ماهو الجو مولع أهو

هي : إنت اللى بارد

هو : بارد إزاى ؟؟ دا أنا بشُر عرق

هي : بقولك إيه .. روحنى

هو : أروحك ؟! هو إنتى ماتعرفيش تروحي لوحدك

هي : آآآآه .. طب أنا ماشية

هو : ليه يا حبيبتى ؟؟

هي : حبك برص

هو : والله البرص بيفهم عشان حبنى

هي : بجد كدا كتير

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشى ؟؟

هي : أيوة و حالاً كمان

هو : طب استني لما نوصل آخر الشارع

هي : اشمعنى ؟؟

هو : أصل أنا ساكن هناك .. و مايرضكيش أروح لوحدى

هي : لاااااااااااااا ااااااااا

هو : ينفع كده ترمي نفسك فى المية مين هايوصلني بقى
هههههههههههههههههههههههه

_________________

masraaaaawy for ever

hamied hamied الثلاثاء 27 أكتوبر - 5:07

SoHiLa الثلاثاء 27 أكتوبر - 7:38

يخرب بيت تقل دمه

دا بخيل واستغلالى وانانى وكمان دمه واقف ...

فى واحد يبقى ماشى مع خطيبته ويعمل معاها كدا حتى لو مش معاه فلوس دى الكلمه الحلوه بتنسى الواحد الدنيا دى كلها...

وبعدين هو اساسا مخرجها ليه ان شاء الله ... يفرسها يعنى ولا علشان توصله ياختى كميله عليه ... بيخاف يروح لوحده الننوس...

تســلم ايــدك .. الله يعافينا من حد زى دا بجـد..

محمد الروش السبت 9 يناير - 12:59

أسد العرب الجمعة 12 فبراير - 9:50

sh98arif الثلاثاء 21 سبتمبر - 1:58

sh98arif الثلاثاء 21 سبتمبر - 2:02

أسد العرب الخميس 23 سبتمبر - 5:57

أمجد حمودة الخميس 23 سبتمبر - 12:15