تكمله الحلقـــــــــــه العاشره...

بســـــــــم الله الرحمن الرحيم

ويالله نكمل قصتنا

((( مكالمة احمد وابوه الحج هريدى )))

أحمد : ازيك يابا وازى امى واخواتي والبلد كلتها
وبعدين بينه وبين نفسه (( اللهى تولعوا كلوكوا ))

الحج هريدى: ازيك يا ولدى عامل ايه وايه اخبارك مش ناوى ترجع ولا ايه يا ولدي
دي البلد كلتها مستنظراااااك

أحمد: اه طبعا يابا ناوى دى البلد وحشانى جوى جوى جوى
وبعدين بينه وبين نفسه (( اللهى ارجع الاجيها مولعه باللى فيها ))

الحج هريدى: والعمده يا احمد بيسلم عليك وعايز يكلمك علشان عايز ينزل مصر
وعايز يشوفك علشان تروحوا مع بعض تزورو الأوليه
وبالمرة يشتريلوا بهيمتين بدل اللى ماتوا

أحمد : ماتوا من ايه يابا هو انت لسه شغال فى الظريبه عنده ولا ايه يابا
الحج هريدى: ومالها يا ولدى شغلانه الظريبه دا انا دلوجتى اترجيت وبجيت مشرف
على البهايم كلتها

اأحمد : طب الحمد لله يابا
الحج هريدى : طب خد يا ولدي امك عايزة تكلمك

أحمد : يابا والنبى بسرعه علشان انا بتكلم من المحمول ومش بتاعى يابااااااااا
وبعدين بينه وبين نفسه (( يالهوووى يابا عليك وعلى سنينك السوده ))

أم أحمد : ازيك يا ولدى عامل ايه
أحمد : ازيك يامااااا عامله ايه

أم أحمد : ليك عندى يا ولدى خبر حلو جوى جوى هيعجبك

أحمد : جولى ياما جولى ياما انا عارف اخبارك
وبعدين بينه وبين نفسه (( اخبارك السوده دى))

أم أحمد : جايبالك عروسه انما ايه زى الجمر يا ولدى
أحمد : عروسه مين دى ياما ؟؟؟

أمه : نفيسه بنت عمك ابو همام
أحمد : نفيسه اللى كانت بتجرى ورا عربيه الرش بتاعه النموس
واللي كانت بتنزل الترعه من غير لباس
ياما دى كانت ........ ياما دى جربانه ياما

أمه : دى دلوجتى بجت عروسه وإحلوت يا ولدى
أحمد : ربنا يسهل يامااا .. بس انا دلوجتى مبفكرش غير فى دراستى

أحمد : خلاص خلاص ياما سلام دلوجتى علشان الرصيد اللى فى المحمول ميخلصش

أمه : ايه ده يا ولدى انت جيبت محمول

أحمد اتخنق : أففف
((وبينه وبين نفسه سلام بجا ياما دا انتى رغايه جوى وراح قافل فى وشها ))

نور: ايه يا احمد سلمتلى على الحج هريدى
أحمد : اه طبعا طبعا يا نور

أحمد: ياااااه يا نور لو شفتى بلدنااااااا حته من شرم كده
نور : نفسى اروح معاك يا احمد مرة واشوفها واشوف الحج هريدى ومامتك وكل اخواتك

(( أحمد بينه وبين نفسه متشوفيش وحش))

أحمد : اااه يا نور نفسى تشوفى ابويا العمده وهو قاعد فى الظريبه أأخ قصدى
وهو بيبص على الناس اللى شغاله فى الظريبه

أحمد : وأد ايه يا نور ابويا مهتم بنظافه الظريبه أأخ قصدى البلد كلتها
نور: هو بباك عمده طب احكيلى عن اخواتك يا احمد

أحمد : عندى يا ستى أخين وأخت
نور: واسمهم ايه يا احمد

أحمد : عواد وعبعال والبنت اسمها صابحه
نور: وسنهم اد ايه؟؟

أحمد : عواد ده حرامى أد الدنيا
نور: حرااااامى

أحمد : لأ يا شيخه بهزر معاكى
دا عواد عنده خمستااااشر سنه ولسه فى ابتدائى اصل بيحب الدراسه جوى تصورى

نور : وعبد العال ؟؟؟؟
أحمد : عبعااااااال يا عينى على عبد العال ...
عبعال ده تديله من فوق اكل يديكى من تحت حاجات تانيه

نور: هههههههههههههههههههههههههه
أحمد : لا دا عبعال فظيع تصورى عبعال فى مرة كنا بنتعشا
فا أمى كانت عاملالنا بيض ومش وكان فى المش دود وكان عبعال
بجاله يومين مكالش لحمه راح واكل الدود وساااب المش


نور: يوميين مكاالش لحمه ههههههههه
أحمد : لأ وايه وبعد ما أكل الدود والبيض دخل الحمام
فضلت يا نور البلد كلتها 7 أيام تعانى من سد فظييييع فى المجارى

نور: هههههه يع يع يع بلاش قرف

أحمد : مقولكيش بجا على صابحه

نور: لألأ كفااااااايه لحد كده
(( نور في نفسها وهي مقروفه : أنا إللي جبته لنفسي ))

أحمد : لا كله إلا صابحه .. صابحه وهى صابحه.......
.
.
.

(وفجأة واحمد بيتكلم مع نور راح طابب عليه واحد بلدياته من البلد )

( واحمد بقى مرعوب ليشوفوا ويجى يسلم عليه ويفضحه قدام نور )

( وفعلا ده اللى حصل وبلدياته شافه وراح رايحله على طوووووووووووول )

( أحمد وشه جااااااب 100 لووووون )
( وخااااااف ليتفضح قدام نور وتعرف ان ابوه ولا عمده ولا حاجه )

( ورااااااااح دااااخل بلديتناااااا على احمد .......... )
.
.
.
واشووووووفكم الحلقه الجااااايه ان شاء الله


مع حلقه من اقوى حلقات القصه كلها

قمة الكوميديا في الحوار بين احمد وبلدياتنا