مديمة الاقصر ...

SoHiLa الجمعة 17 يوليو - 5:40

ونروح دلوقتى لمدينة الأقصر...
المدينة التى تحتوى على ثلث آثار العالم...المدينة التى لايستطيع مواطن فيها أن يحفر لبناء منزل جديد أو لأى سبب آخر دون وجود مندوب من هيئة الآثار بجواره أثناء العمل..
ده معبد حتشبسوت فى الأقصر...وكان يلقب أيضا بمعبد الدير البحرى عشان كان فيه رهبان إستخدموه دير لهم فى فترة من الفترات...

]نروح بعد كده على وادى الملوك
اللى كان ملوك مصر القديمة بيبنوا مقابرهم فيه أثناء حياتهم ليدفنوا فيها
بعد الموت...وكانوا بيجتهدوا جدا فى إنهم يموهوا المقبرة لتضليل اللصوص
ومع ذلك وصل اللصوص إلى معظمها فى عصور مختلفة...

عن سبب إختيار ملوك مصر القديمة لهذا الوادى بالذات لدفن موتاهم فده بيرجع
لقربه من المعابد الجنائزيه اللى بنوها فى الأقصر والأهم أن المنطقة التى
إختاروها عباره عن جبل يأخذ شكل هرمى بطبيعته فوفر عليهم عناء بناء
أهرامات جديدة..
طبعا هناك العشرات من المقابر...إخترت لكم منها ...
مقبرة رمسيس السادس..


لاحظ أن المداخل من بناء هيئة الآثار لإن فى الأصل المقابر دى كانت مختفيه فى سفح الجبل

]ودى مقبرة تحتمس الثالث اللى كان من كبار ملوك مصر القديمه
إقرأ اللوحه جيدا )
وده
حكم مصر فترة طويلة وأطلق عليه المؤرخون (نابليون العصر القديم) من كثرة
فتوحاته والمعارك اللى خاضها وده كان أول ملك يفكك المراكب ويحملها على
الجمال ليصل بها بطريقة أسرع إلى أرض المعركة ثم يقوم بتجميعها هناك مرة
تانية...وكان عندما يخرج لمواجهة أعداؤه يسلك أكثر الطرق صعوبه وأقلها
توقعا ليفاجىء أعداؤه



ودى السلالم المؤدية للمقبرة اللى كان بانيها فى مكان صعب الوصول إليه
(بصراحة كسلت أطلعهاعشان كده ماصورتش المقبره نفسها).



ودى بأه أهم مقابر وادى الملوك....
مقبرة الفرعون الصغير ...توت عنخ آمون
أهم إكتشافات القرن العشرين الأثريه .... المقبرة التى لم تطالها أيدى الصوص قديما وحديثا وعثر على محتوياتها كامله ...
إكتشف
المقبرة الإنجليزى هيوارد كارتر عام 1922 بعد بحث إستمرسنوات
طويله...والطريف أن إكتشاف المقبره كان عن طريق أحد السقاه الذين يحضرون
الماء للموقع عندما حفر حفرة صغيره ليثبت بها إناء كان سيقع فوجد سلم
المقبره فأمرهم كارتر بالحفر فى المكان..
وتوت
عنخ آمون حكم فى سن صغير ولمدة شهور معدوده ومات بعدها لدرجة أنه لم يكن
قد أقام مقبرة لنفسه فتبرع له كبير الكهنة بمقبرته الخاصه ليدفن فيها..
هناك روايات تقول أنه قتل وروايات أخرى تقول أنه مات مسموما ولم يتم الفصل فى هذا الأمر...
ومقبرة
توت عنخ آمون ايضا كان إكتشافها سببا لجدل واسع فى أنحاء العالم حول وجود
لعنة الفراعنة لأن عدد كبير ممن شاركوا فى إفتتاحها أو العمل بها ماتوا
بطرق غريبة وإن كان عدد آخر ممن عملوا فى المقبرة بقوا على قيد الحياة
بعدها لمده طويله وبصحة جيده...
ومعظم محتويات المقبره تم نقلها للمتاحف وبقى فيها التابوت وجثة الفرعون الصغير ونقوشها الزاهية
وهيه دى المقبرة...



ودى لوحة جداريه من أحد معابد الأقصر توضح أحد العسكريين يضع أمام الملك مجموعه من الأيدى المبتورة للأعداء ليتم حصر عدد القتلى
(كانوا مفتريين بردو)...



وده منظر لعرض الصوت والضوء فى معبد الكرنك بالأقصر وده المشاهد بيتجول أثناء العرض داخل المعبد ولايجلس فى مكان محدد إلا قرب نهاية العرض (لاحظ طريق الكباش فى مدخل المعبد)...

ودى صوره لمتحف الأقصر من الخارج...


ودى صوره لمحطة قطار مدينة الأقصر...حيث إنتهت رحلتنا وعدنا من حيث أتينا...

]وبكده تنتهى رحلتنا ...

زعلتوا إنها خلصت؟؟؟

hamied hamied السبت 10 أكتوبر - 17:47

اولا على الموضوع الرائع

والجوله الاكثر من رائعه

واتمنى ان تنظم المناطق السياحيه في مصر اكثر من ذللك وان يتم تشديد الرقابه فيها

وان لاتترك لدخلاء يقومون بتاجير عربات او خيول او غيرو الا بتسعيرات وتصاريح

واماكن مخصصه لتواجدهم

ولا يتركو طلقاء هكذا في الاماكن والمناطق السياحيه

شوية تنظيم بقا قرفنا

tina_789 الأحد 14 فبراير - 17:56

الدلوعة دودي الخميس 23 ديسمبر - 0:44

عصام حواري السبت 25 ديسمبر - 20:40

عصام حواري السبت 25 ديسمبر - 20:43